Atualità
Jonta fej n pachetl de pruvedimënc per smëndrì burocrazia
USP – L pachetl de pruvedimënc per smëndrì burocrazia dla Jonta provinziela devënta for plu cuncret. Tla senteda (da NCUEI) dl 21 de nuvëmber à l presidënt Durnwalder prejentà la prupostes che reveda si departimënt, ntan la proscima sentedes unirà do chëles di autri assessëures provinziei.
La Jonta provinziela se à tëut dant de tò demez la burocrazia che ne muessa nia vester. Ntan i ultimi mënsc iel unì analisà i departimënc per udëi ulà che l se lascëssa scemplifiché. Śën an scumencià a mëter su mëisa i pruvedimënc.
L prim ie stat l presidënt Durnwalder prejentan la prupostes te si ciamps de cumpetënza, che ie la prutezion zevila, la Forestela, i ruves da mont y l’Aministrazion publica. “L ie bele unì fat scemplificazions te de plu ciamps, śën ulons mëter n drova mo d’autri pruvedimënc per ruvé a n’aministrazion plu megra cun manco burocrazia” à dit Durnwalder te cunferënza stampa.
Do che sarà tratedes la prupostes de duc i assessëures provinziei uniral prejentà dut l pachetl de pruvedimënc te na cunferënza stampa.
as
