Atualità
Consula dl’Austria Berka anconta l assessëur ladin Mussner
USP – La consula generela dl’Austria a Milan, Sigrid Berka se à (NCUEI) ai 25 de jené ancuntà cun l assessëur Florian Mussner per tò su cuntat persunel cun l’Assessorat provinziel ladin. La situazion dla mendranza ladina ie stat l argumënt prinzipei dl’ancunteda tla cësa provinziela 2 a Bulsan.
Do mez ann che la consula generela Berka à pià do si ncëria a Milan, ala ntan na vijita tl Südtirol, nce ulù tò sun cuntat cun l’Assessorat provinziel ladin. Rujenan de si nteres per l svilup dl Südtirol à la consula fat al savëi si despunibltà de culaburazion cun la mendranza ladina. L assessëur Mussner à prejentà la situazion atuela di ladins n generel y spezificamënter tla provinzia de Bulsan. Nscì iel nce unì tratà la situazion di ladins de sëuramont tla provinzia de Belun. Do l’ancunteda à Mussner y Berka fat ora de se ancunté plu suvënz per n barat de nfurmazion.
Sigrid Berka à dal 2000 nchin al 2009 laurà tl Minister d’Austria per cuestions oradecà, dal 2009 al 2011 iela stata cunsulënta dl vizekanzler Josef Pröll per cuestions oradecà y ie pona l ann passà de lugio unida numineda consula generela a Milan.
as
