Atualità
Dat pro l Cunsëi de direzion dla scolines ladines
USP - La Jonta provinziela à dat pro l cunsëi de direzion nuef per la scolines ladines. Sun pruposta dl’assessëur ladin Florian Mussner à la Jonta (INIER) ai 30 de jené numinà cater espertes y à dat pro dut l Cunsëi nuef per si ncëria nchin dl 2014.
L Cunsëi de direzion dla scolines ladines ie metù adum da reprejentantes dla maestres, dla culaburadësses pedagogiches, genitores, esperc y reprejentanc dla cumuniteies de raion. La Jonta provinziela à numinà Carla Comploj, cunsulënta de psicologia y ntegrazion dla Ntendënza Ladina, Elisabeth Salcher, duturëssa di mëndri, Edith Ploner, Ispetëura dla Scolines Ladines y Sabine Federa che ie pedagogista soziela.
Heinrich Videsott, ambolt da San Martin y Lara Moroder Oberkofler, assessëura a Urtijëi, reprejentea l’aministrazions chemuneles.
Tl cunsëi nuef ie sëuraprò nce unì lità la cater maesteres Rosmarie Senoner, Cristine Lobis, Renate Valentini y Alexandra Insam. La culaburadësses pedagogiches ie reprejentedes da Christine Ferdigg, Edith Pescollderungg y Adele Lobis. I genitores à lità Stefan Planker, Sara Stuflesser, Igor Comploi y Michela Rifesser. La diretëura dla scolines ladines, Hannelore Insam, fej pert de dërt pra chësc cunsëi de 18 persones.
as
