Atualità
Jonta provinziela: dl 2013 dëssa scumencé la Info-TV
USP – Chi che fej feries tl Südtirol dëssa giapé nfurmazions turistiches tres n canal de televijion speziel. Chësc se à la Jonta provinziela tëut dant de realisé nchin a n auter ann. (NCUEI) ai 10 de auril à la grupa “Servus TV” prejentà si pruposta ai assessëures, l’ena che vën jirà no d’autra prupostes te Jonta y pona uniral scrit ora n cuncors.
La pruposta che la televijion privata dl Salzburg, Servus TV à prejentà ala Jonta provinziela à drët plajù. Per mparé a cunëscer la pruposta iel nce ruvei adalerch reprejentanc dl’agenzia de Radiotelevijion RAS y dla sozietà de marketing SMG.
Dan jì inant cun l scrì ora de n cuncors, uel i assessëures n lunesc che vën mo udëi la pruposta dla grupa TCA che fej bele l medemo servisc per la provinzia de Trënt. Aldò la Jonta provinziela ulëssen mo chëst ann ruvé tan inant da dé pro la ncëria per pudëi pona scumencé dl 2013 cun l servisc de nfurmazion turistica.
Tres l canal de nfurmazion turistica ulëssen dantaldut prejenté l Südtirol, la strutures cultureles, la manifestazions y la previjions dl tëmp. “Chësc canal de televijion ie tan mpurtant ajache l cumporta n cuntat ndrët cun l turist” à dit l presidënt dla Provinzia riesc do la senteda dla Jonta. L custimënt udù danora ie de feter na milion de euro.
as
