Atualità
-
Le Meteo de jenà: Temperatöres tröp sura le valur mesan
Dal punt de odüda tlimatich él gnü registré te Südtirol tl mëis de jenà temperatöres danter 2 ćina 2,5 degrà sura le valur mesan. Al é stè insciö le mëis de jenà cun les temperatöres plü altes di ultims 8 agn. I dać dl meteo local vëgn metüs a desposiziun dal Sorvisc Meteo dla Provinzia.
-
Ejam de maduranza: Les materies dla secunda proa scrita é stabilides
Le Miur (Ministero Istruzione Università e Ricerca) á publiché les materies dla secunda proa scrita dl ejam de stat 2014-15 y les materies che ti vëgn assegnades ai comissars esterns dla comisciun. Inće por les scores altes ladines él gnü publiché les materies dla secunda proa scrita.
-
Mascinns forestales nöies: domandes dai 16 de forà inant
Aziëndes forestales y imprejes d’agricoltöra po presentè ala Provinzia les domandes do n contribut por la cumpra de mascinns nöies tl setur forestal dai 16 de forà inant inćina ai 31 de merz.
-
L’Euregio online: La personalité, le post y le tema dl mëis
Les fondamëntes iuridiches por na colaboraziun dles universitês dl’Euregio Südtirol-Trentin-Tirol, la sënta baroca dl Consëi provinzial dl Tirol y la direturia artistica austriaca Irene Girkinger: chisc é i temesc dl mëis che an po lì do sön la homepage dl’Euregio sot ala misciun www.europaregion.info.
-
Families: Incuntada por laurè sön na strategia de prevenziun
Laurè adöm por formè families plü stersces: chësc é un di obietifs primars dla Provinzia tl ćiamp dles politiches por les families, n travert che an porvarà da arjunje tres formes de colaboraziun trasversales y cun na rëi de laûr ampla che tol ite dötes les perts interessades. Cun chësc fin à l’assessuria Deeg organisè incö n’incuntada cun 70 rapresentanć dl monn sozial, sanitar y dla formaziun.
-
Scores altes ladines: Confermades les trëi Direziuns
Garantì les poscibilitês de formaziun adatades al sistem dla scora paritetica y mantignì l’atrativité dles scores altes ladines inće tl dagnì: Chisc dui obietifs é gnüs confermà da püch (27/01) dala Junta provinziala cun l’aprovaziun dl plan de destribuziun dl’oferta de istruziun y formaziun dles scores altes y direziuns tles valades ladines por i proscims cinch agn.
-
Sentënza dl Tribunal amini.: Contribuć dal'UE ma sce la munt vëgn laurada
La pratica da tò adinfit les munts zënza garantì n’ativité produtiva ma por ciafè finanziamënć dal’Uniun Europeica é gnüda proibida chisc dis cun na sentënza dl tribunal aministratif dla regiun dl Lazio. L’assessur provinzial Arnold Schuler à tut sö positivamënter chësta dezijiun.
-
Cultura Ladina: Proieć, concursc y scomenciadies tl 2015
Proieć culturai y n concurs artistich en gaujiun dl centenà dla Pröma Vera Mondiala, la promoziun dla leteratöra ladina, le Dé dla Cultura Ladina y la lege nöia che reverda la promoziun dla cultura sarà cater dles tematiches zentrales dl Departimënt Educaziun y Cultura Ladina tl ćiamp cultural por l’ann 2015.
-
Videospots, videoclips y drohne: workshop tl Museum Ladin a San Martin
L Museum Ladin mët a jì en cunlaurazion cun l Servij ai Jogn dla Val Badia n workshop per jëuni danter i 14 y 20 ani per mparé a fé videospots y videoclips nce tres l’adurvanza de n drohne. L curs unirà fat dai 14 ai 20 de fauré dl 2015 y à n priesc simbolich de 10 Euro. Se nuté su possen pra l Sorvij ai Jogn dla Val Badia entro i 5 de fauré 2015.
-
Implanć RAS: La Junta à aprovè na convenziun por mioré l’anuzamënt
Anuzè les staziuns dla RAS te na manira otimala, menè fora informaziuns dla proteziun zivila te na manira capilara y alisiré le finanziamënt dles emitënzes locales: chisc é i obietifs dla convenziun nöia aprovada incö (27/01) dala Junta provinziala por ći che reverda l’anuzamënt di implanć de trascmisciun dla RAS.