Atualità
-
Jonta: scines dl Prëner saredes d’agost 2012
USP - La Jonta provinziela à (ncuei) ai 13 de dezëmber dat pro l saré dla scines danter Dispruch y l Prëner per via de lëures de manutenzion. Sun pruposta dla ferata d’Austria unirà l muvimënt dla ferata sun chëst toch fermà defin de agost 2012 y ntan trëi mënsc puderan me furné sun una dla doi scines.
-
1,2 milion per la Cultura Ladina tl ann 2010
USP – La Cunsulta provinziela ladina à dat pro l’ultima pert di cuntribuc da chëst ann per mantenì la cultura ladina. Lies, artisc’ y istituzions che lëura y cura la Cultura ladina giapa tres l Assessorat ladin dla Provinzia de Bulsan de ndut 1.238.697 euro. La spartizion de chisc cuntribuc ie dassënn granda.
-
Cianties d’Avënt ladines fej ancunté la grupes de rujeneda
USP – L cunzert d’Avënt ciantà y sunà da ladins tl Dom de Bulsan, à nsnuet (10 dezëmber) pità mumënc alternatives al gran busiamënt cumerziel dla zità. L publich che à respundù te na gran cumpëida al nvit dl Assessorat provinziel ladin à ancuntà i ladins mparan a cunëscer si cultura musichela de viver l avënt.
-
Rujeneda de Durnwalder sun l bilanz 2011: „Nia n Masterplan, ma diretives tleres“
USP – Nia strategies che cëla dejeneies danora, che ne uel nia di che la Jonta provinziela lëura zënza proietazions. La se trata plucheauter de diretives tleres, a chëles che la possa urienté si atività – aldò dla zifres – de suzes. Te si rujeneda sun l bilanz provinziel 2011 a l presidënt Luis Durnwalder (ncuei) ai 10 de dezëmber mustrà su de ce diretives che l rejona.
-
Scolina ladina valuteda dala revista naziunela Gulliver
USP – La revista Gulliver, una dla zaites per l nfanzia plu cuotedes a livel naziunel à te si ultima edizion dedicà na gran lerch al federalism dla scoles fajan referimënt ala scolina ladina.
-
Stiera da diretëura/diretëur tla scolina ladina
USP – L’aministrazion provinziela à scrit ora n cuncors per la stiera da diretëura/diretëur dla scolines ladines. La dumandes per fé pea l cuncors possa unì mandedes ite nchin mierculdi 29 dezëmber tl Ufize de urganisazion dla Provinzia de Bulsan.
-
Resultac dl studi PISA y pruvedimënc
USP – I resultac sun la cumpetënzes di sculeies, aldò dl’analisa nternaziunela PISA ie nce unic analisei per la provinzia de Bulsan. I respunsabli dla scoles à (ncuei) 9 dezëmber prejentà la prima pert di resultac selezionei. I sculeies tudësc ie sëura la media OECD tl liejer, i taliani, n fruz dessot. I resultac PISA spezifics per i sculeies ladins muessa mo unì selezionei. I assessëures ala scola à detlarà de ulëi tò pruvedimënc per auzé i obietives.
-
La pert auta dl furtin de Furtëza vën mantenì
USP – La pert auta dl furtin a Furtëza muessa unì cumededa ca. La Jonta provinziela à dat pro che l dëssa unì fat lëures per mantenì chësta pert che ie de gran valor architetonich y pieta na luegia adateda per manifestazions.
-
Bënsté per l tunel dl Prëner a Mauls
USP - La Jonta provinziela à (ncuei) 6 dezëmber dat pro la valutazion de dann ambientel dl proiet esecutif dla rola de prova dl tunel dl Prëner. La se trata dl segondo lot di lëures, che reverda l raion de Mauls tla pert auta dla Val d’Isarch.
-
Nce tl Südtirol test de rujeneda per imigrei
USP – Prësc uniral nce tla provinzia de Bulsan scumencià cun i test de rujeneda taliana per extracomuniteres che uel giapé la lizënza de residënza per n tëmp nia determinà. La Jonta provinziela à (ncuei) ai 6 de dezëmber dat pro de mëter n drova la lege naziunela juntan nce la puscibltà de fé l test per la rujeneda tudëscia.