Atualità
Regules nueves per l vënder ora
USP – Per l vënder ora prudoc tla butëighes, vel da doduman mierculdi 12 de nuvëmber regules nueves. Sun pruposta dl assessëur al cumerz Werner Frick iel unì mudà la normes de atuazion dla lege cumerziela. “L fin ie stat chël de scemplifiché y tò demez burocrazia, cossa che ti va a bën di buteghieres y di tlienc” spiega l assessëur Frick.
Buteghieres, patrons o chiche compra na firma jita sul cul, ne possa per trëi ani nia vënder ora i prudoc. Cun la regulamentazion nueva ie l tëmp te chël che l ne possa nia unì vendù ora prudoc de na butëiga jita sul cul, unì smendrì da cinch a trëi ani. Chësta pruibizion ne vel nia tl cajo de na gran desgrazia, sce l vën stlut la butëiga o sce l vën festejà n jubileum dla firma.
Aldò dla regulamentazion nueva ne possa l vënder ora nia scumencé ntan i 20 dis dan che scumëncia l vënder ora per fin de sajon, y de dezëmber. Chësta pruibizion ie unida smendrida da 40 a 20 dis. Plu scëmpla ie nce la comunicazion per l vënder straurdiner da fé al chemun. L tëmp de 30 dis danora per la comunicazion toma demez. L basta damonila na comunicazion dan che scumëncia l vënder ora.
La normes de atuazion dla lege cumerziela, che regulamenteia l vënder ora, ie publichedes tla gazëta dla region dl 28 de utober 2008. Les jirà ndrova doduman mierculdi 12 de nuvëmber.
as
