Atualità
Streda de Gherdëina davierta a Puntives
USP – Ncuei, vënderdi sëira (21 de nuvëmber) ie la streda de Gherdëina unì giaurida a Puntives a na maniera da pudëi passe te tramedoi vieresc. Dan n ena fova unì truep sasc, ntan iel unì segurà la streda cun n col de protezion.
A Puntives iel stat de bujen de majeri lëures per rumé ju l parëi da sasc melsegures y per fé lerch sun streda. Sun streda fovel tumà ju doi metri cubich de sasc. „Ntan i proscimi dis uniral mo metù a post i ultimi mëndri lëures, che ne desturba nia l muvimënt sun streda“ spiega Valter Molon, diretëur dl Servisc provinziel ala stredes Salten-Scilier. Ntan chëst ena iel unì menà demez ntëur 1000 metricubich de sasc, nsci an messé tenì la streda śareda. Chisc lëures ie unì fai dai culaburadëures dl servisc ala stredes y firmes spezialisedes. Per stravardé l luegia dal pericul de autri sasc, iel unì fat su n col de prutezion.
as
