Atualità
Suzes per i ladins ti ejams de rujeneda
USP – Tl ann 2008 ie feter 80 % di candidac di luesc ladins passei i ejams de rujeneda. La media provinziela ie aldò dl Istitut per Statistica Astat de 50,9% che ie passei l ejam. De ndut iel stat de plu candidac che ie passei l ejam de bi- y trilinguism permez al ann dant. Me tl livel plu bas, l livel “D” iel stat de manco che ie passei.
Ai ejams de rujeneda se à tl ann 2008 scrit ite 6.481 persones, 4.021 ie nce passei la prova scrita y chëla a usc. Dla valedes ladins ie 73,2 % passei la prova scrita (sun 261 scric ite) y l 87,9% à mustrà su n bon livel da passé la prova a usc (sun 264 scric ite). De ndut ie 79,7% di candidac dla valedes ladin passei l ejam de bi- y trilinguism. De duc chëi che se à scrit ite ai ejams ie passei 50,9%.
Paredlan al ann dant, à tl 2008 de plu candidac arjont l ejam.
Pra i ejams de livel “A” ie passei l 66,1%, permez al 54,7% tl ann 2007, tl livel “B” à 32,5% abù suzes (7,1% de plù che l ann dant) y tl livel “C” 44,1% (7,2% deplù che l ann dant). Me tl livel “D” iel iel stat de manco che ie passei, la perzentuela ie tlo de 81,4 permez al 83,7 dl ann dant.
as
