Atualità
Lëures cun semafer per la zircunvalazion de S.Crestina
USP – Per la nueva streda de zircunvalazion de S.Crestina vëniel nchin ala fin de auril fat lëures de adatamënt tl raion Dorives. Ntan l’ena muessa l muvimënt sun streda fé cont de aspité pra n semafer.
Tla raida da Dorives, che ie tl Chemun de Sëlva, va śën do l inviern inant i lëures de adatamënt per tache ite la streda de zircunvalazion nueva. L vën fat n mur de sustëni acioche ne sbriscia nia ju l rone y n tretuar de feter 200 metri danter Dorives y Maciaconi. “Pra de gran lëures sciche la zircunvalazion de S.Cristina iel nce mpurtant che l vënie curà i mëndri lëures ntëurvia. Te chësc cajo ie l detail dl tretuar per la segurëza de chëi che va a pe, na pert dl cunzet generel” spiega l assessëur ai lëures publics Florian Mussner.
Ntan l fin dl’ena vëniel me laurà ti tuniei nueves y nsci possen tl raion Dorives passé te tramedoi vieresc. Per i primes de mei iel udù dant de tò demez l semafer sun la streda de Gherdëina.
as
