Atualità
Ciastelbadia: i lëures va inant
USP – Chisc dis, ala fin de auril, uniral inò metù man cun i lëures per la streda nueva sota l Ciastelbadia. “Tl prim uniral jit inant cun i lëures danter l Col dl Ciastel y l Col tlamà Amtmannbühel, ulache l vën giavà ora y pona inò curì pro l tunel” dij l assessëur Florian Mussner. Nchin ala fin de mei dëssel nce unì stlut ju i lëures per seguré afrësc tl Ciastelbadia. L sistem de monitoring vën mo miurà.
Do che l ie unì danejà i afrësc dla Cripta dl Ciastelbadia fovel unì fermà i lëures. “On analisà mo n iede dut l proiet, on udù dant pruvedimënc de segurëza sëuraprò y son de chëla che i lëures possa śën jì inant” dij Mussner.
Mo tl mëns de auril dëssel unì frabicà inant danter l col dl Ciastelbadia y l “Amtmannbühel”. Tl medemo tëmp vëniel nce laurà per seguré i afrësc fajan cont de finé de mei. “Chisc lëures vën fai n culaburazion cun la Repartizion per i Bëns culturei y cumedon nce l dann che ne ie nia unì fat a giavé l tunel ma per via dl tumé” spiega la assessëur provinziel.
Per garantì la majera segurëza per l Ciastelbadia y la cëses ntëurvia, vëniel mo miurà l sistem de mëter a verda cun sensores sëuraprò.
De juni dëssa mëter man i lëures per mëter ju roles sota l “Amtmannbühel”. “Nce tlo ons diretives tleres da pert di esperc y chësta maniera puderà nce unì fat l tunel zënza dificulteies.” dij Mussner, che sorissea che i esperc sarà tl prim sun l post per cialé do i lëures.
“L desplej per i dann che ie unì fat tl Ciastelbadia, son segures che cun la nueva maniera de jì inant cun l tunel y cun l servisc de segurëza, ne uniral nia plu fat dann” dij l assessëur provinziel. L jì inant di lëures ie nce na bona per i lauranc che à ntan i lëures fërmes messé jì a lauré tla Talia zentrela per nia resté zënza lëur. Chësc problem toma demez te chëla che i lëures va inò inant pra l Ciastelbadia.
as
