Atualità
Jonta provinziela uel veles per posta – sparani de 3 milion
USP – Pra l’ultima veles iel unì dat ora belau 3 milion de euro per sustenì zitadins oradecà a unì a cësa a lité. Cun la ntroduzion de veles tres posta fej la Jonta provinziela cont de sparanië chësc custimënt. Sce l ie mesun fé na tel regulamentazion dëssa sën stlarì i esperc de privacy a Roma.
Zitadins che vif oradecà a nchinamò for messù unì a cësa per la pudëi dé ju si stima. Chësc cumporta da una pert viages per i zitadins y dal’autra pert n gran custimënt per l’Aministrazion publica. “Nchinamò iel unì dat ora belau 3 milion de euro per curì l custimënt de viac, chisc scioldi ulons sparanië tres la veles per posta” à spiegà l presidënt dla Provinzia te cunferënza stampa.
Tla reforma dla lege eletorela dëssel nsci unì tëut n cunsciderazion la veles per posta. Danora lascia la Jonta provinziela stlarì dai esperc a Roma sce na tel regulamentazion ne jissa mieno contra la lege sun la privacy.
as
