Atualità
La Gran Risa po gnì slariada en pert
USP – La Seconda Comisciun por la sconanza dla contrada à te süa sentada di 8 de dezëmber dè pro che la Gran Risa po gnì slariada te na ota.
Le proiet presentè dala sozietè di implanć portamunt „Grandi Funivie Alta Badia AG“ vëiga danfora n slariamënt dla pista „Gran Risa“ tl comun de Badia te n tòch da otes strënt y de 70 metri de lunghëza. Por chësc mëssel gnì spostè presciapüch 3.500 metri cubich de material. La Comisciun por la sconanza dla contrada à dit de scê al proiet a condiziun ch’al vëgnes dè jö na cauziun de 3.000 euro y che l’autorité forestala ćiares sura i laûrs. Do che i laûrs é gnüs stlüć jö mëss le tòch de pista che é gnü slarié indô gnì inverdì.
usp
