Atualità
Joi a Roma, Viena y povester a Frankfut
USP – La Jonta provinziela lascia cialé do plu avisa l dann che ie unì a se l dé per via l macë di joi danter Bulsan y Roma. Ntant vëniel bele rujenà dl cuncors per la lizënzes de julé nia me a Roma, ma nce a Viena o povester nce a Frankfurt.
I ufizies de dërt dla Provinzia ie unic nciariei de anjenië la documentazion per se lascé paië dal Air Alps l dann per i joi unic a mancë. Riesc do la senteda dla Jonta provinziela à l presidënt Durnwalder (NCUEI) ai 30 de jené fat al savëi che d’autonn, canche toma la lizënza, uelen scrì ora trëi linies. Da Bulsan a Roma, a Viena y povester nchinamei nchin a Frankfurt.
as
