Atualità
Tëut demez la njontes sun l strom – publicà la lege
USP – Per no ciarië l cunsumadëur de strom trëi iedesc cun chëutes à la Jonta provinziela purtà na pruposta te Cunsëi per tò demez la njonta provinziela y dé la puscibltà ai chemuns de renunzië sun si njonta. La lege nueva ie publicheda tla Gazëta ufiziela y jirà n droa (DUMAN) ai 21 de merz.
La regulamentazion nueva ie stata debujën per via dl mpëni dl Guviern Monti de ressané la finanzes stateles. Ala fin dl ann passà à l Guviern tëut demez la njonta provinziela y cumunela sun l strom, auzan dal’autra pert la chëuta statela sun l strom. Chësc vel per la regions cun statut normal. Al’Autonomies ti iel unì lascià la lidëza de mantenì la doi njontes sun l strom. “Nsci ëssen tl Südtirol paià n priesc plu aut permez a te d’autra regions, ajache sëuraprò ala chëuta statela, ëssen nce messù paië la jontes locales” spiega l presidënt dla Provinzia.
Per tò demez n tel svantaje economich, à la Jonta provinziela udù dant la puscibltà de tò demez la jonta provinziela y cumunela. La lege data pro te Cunsëi provinziel vëija dant de tò demez la njonta cun scumenciamënt de chësc ann. N cont dla njonta chemunela vëija la lege dant 120 dis te chëi che i chemuns possa dé pro de tò ju si njonta. “Nvion i chemuns a renunzië sun si njonta a na maniera de no ciarië su a nosc zitadins y firmes plu chëutes sun l strom permez a d’autra regions” dij Durnwalder.
La lege provinziela dl 21 dezëmber 2011, nr. 15 (lege finanziera) tl ciamp dla njontes sun l cunsum de strom, ie publicheda tla Gazëta ufiziela (da NCUEI) nr. 12 y jirà n droa ai 21 de merz.
as
