Atualità
Rendicont y aministrazion de sozieteies provinzieles
USP – Dan numiné i reprejentanc dla Provinzia te vel sozieteies publiches, à la Jonta provinziela ulù udëi l rendicont. Tla senteda (da NCUEI) dl 23 de auril iel unì cialà ala fiera de Bulsan, l Eco Center, l aeroport y la sozietà dl’autostreda.
La Fiera de Bulsan à stlut jù l’atività cun 274.000 euro sëurora. Tl cunsëi de aministrazion ie unic numinei Gernot Rössler, Arrigo Simoni y Heidi Felderer (mpede Herbert Fritz). Per l cunsëi de cuntrol iel unì fat i inuemes de Ivano Morandini (mpede Enrico Willi), Manfred Mayr (mpede Georg Mayr) y Anita Thöni.
La strutura dl aeroport de Bulsan (ABD) à finà via l’ann passà cun n debit de 178.000 euro. Te chësta soma ne iel nia calculà l’amurtisazion dl frabicat y dla nvestizions. Per l cunsëi de aministrazion à la Jonta provinziela numinà Engelbert Ritsch, Gianfranco Jellici, Dieter Schramm, Thomas Baumgartner y Irene Huez. Per l atività de cuntrol iel unì nciarià Margit Crazzolara (mpede Heinz Peter Hager), Thomas Pircher (mpede Norbert Plattner) y Josef Heiss.
La sozietà dl’austrostreda à finà via l ann cun n davani de 84 milion de euro. 61 milion de chësc avanz vën metù tla reserva straurdinera y 23 milion vën paiei ora ai azioneres. La Provinzia giata tlo 1,7 milion de euro. Sëuraprò al davani iel mo unì metù 27,5 milion de euro sun na pert per l tunel dl Prëner. “L fond per l tunel ie nsci ruvà a na soma de 467 milion de euro, scebën che se on tëut dant de ruvé a 550 milion” à dit l presidënt dla Provinzia.
La sozietà ECO Center à finà via l’ultimo an de atività cun n davani de 110.000 euro. Tlo ne à la Provinzia degun reprejentanc tl cunsëi de aministrazion.
as
