Atualità
Ponc de referimënt per dificulteies dl mparé y dl mëter a verda
USP – Ultimamënter à sculeies for inò abù dificulteies de mparé y de mëter a verda ntan scola. A chësc fenomenn de nosta cumenanza à l Departimënt provinziel Educazion Ladina dedicà na furmazion spezifica. Ai 11 de mei (DUMAN) vëniel tenì l’ultima ancunteda da chëst ann per furmé persones de referimënt per chësta problematiches.
Cun chësta furmazion se an tëut dant de nsenië ju culaburadëures pedagogics de referiment per uni direzion scolastica y scolina dla valedes ladines che deventerà persones de referimënt per d’autri nsenianc canche la se trata de dificulteies de mparé o mëter a verda. Jan plu sot te chësta problematica iel mesun recunëscer danora la dificulteies di mutons y dla mutans. A chësta maniera possa l nseniant tenì cont y judé l sculé a se fé plu saurì a scola.
La furmazion de doi ani che à scumencià l ultimo autonn, fina śën via si prima pert. Argumënt finel da chëst ann ie i desturbes a liejer. 25 culaburadëures pedagogiches dla scolines y scoles se dedicherà pona tla segonda pert a aspec dla psicologia dl svilup, pruzesc de alfabetisazion y dificulteies dl mëter a verda. La furmazion metuda a jì dal servisc de Inclujon y Sustëni deberieda cun l Servisc de Inuvazion y Consulënza, dedicherà nce na pert al lëur cun genitores, tla grupa y tla rë de cuntac.
as
