Atualità
Prinzips dla lege nueva per la families
USP – I prinzips dla lege nueva sun la families ie (NCUEI) ai 19 de nuvëmber unì dai pro dala Jonta provinziela. La mira prinzipela dla lege nueva ie dantaprima de coordiné miec i servijes y la defrënta pusciblteies de sustëni.
Se adatan ai tëmps ie bele la definizion dla familia, ududa dant tla lege, de mania lergia. "Tulan ite la defrënta formes de nosta cumenanza se tratela ala fin daniëura de respunsabli y di mutons" à dit l presidënt Durnwalder riesc do la senteda, spiegan la mpartizions do età o genitores che lëura. Danter i prinzipies dai pro iel dantaprima de coordiné miec la defrënta formes de sustëni ala families. Chësc reverda i cuntribuc, la lerch da abité ma nce la reduzion de tarifes, sciche chëla dla strom. Tla cunferënza stampa à l presidënt dla Provinzia nce sorissà la mpurtanza che uni familia sebe nëut dla pusciblteies che ti vën pitedes.
La Jonta provinziela à bele dat pro la pert che reverda l mëter adum di servijes de sustëni per i popsc. Śën se tratela danter auter de criters per cuntribuc finanzieres aldò de prinzips y prioriteies, l sustëni n cont de l lëur y familia, y l svilup de strutures de assistënza.
La pruposta de lege dëssa proscimamënter unì data pro definitivamënter te Jonta provinziela a na maniera da pudëi la dé inant al Cunsëi provinziel.
as
