Atualità
Tlausöra dla Junta provinziala: Conferënza stampa en vëndres ai 9 de jenà
Da indoman, jöbia ai 8 de jenà, s’incuntarà la Junta provinziala por la pröma tlausöra dl ann nü cun le fin da stabilì les tematiches prinzipales dl’ativité dla Junta por l’ann 2015. La tlausöra dorarà ćina en vëndres, ai 9 de jenà da misdé y gnarà stlüta jö cun la presentaziun di resultać plü importanć te na conferënza stampa dales 13.00 dal presidënt dla Provinzia Arno Kompatscher.
Por definì les prioritês dl laûr dla Junta provinziala por le 2015 y por stabilì n program temporal de realisaziun de chëstes él le presidënt dla Provinzia Arno Kompatscher che s’incuntarà da indoman domisdé ćina en vëndres da misdé cun i assessurs y les assessuries por la pröma tlausöra dl ann nü. La Junta provinziala ejaminarà dandadöt le program dles ativitês prinzipales por i proscims trëi mëisc. Do la contlujiun dl’incuntada saràl le presidënt Arno Kompatscher che presentarà les dezijiuns plü importantes tl cheder de na conferënza stampa, che gnarà tignida
en vëndres, ai 9 de jenà
dales 13
tl salf dles sentades dla Junta provinziala
tl Palais Widmann, secunda alzada
plaza Silvius Magnago 1
Balsan.
rc