Atualità
Euregio: concurs fotografich dediché ala sajiun da d'altonn
Da chësta edema él da ciafé sön la plata dl’Euregio Tirol-Südtirol-Trentin n concurs fotografich cun pesć dediché ala sajun da d’altonn tl Euregio. Cina ai 15 de novëmber él düc che pó mené sües fotografies dl altonn che gnará spo coiüdes adöm te n album spezifich sön Facebook. La dezijiun sön chi che davagna le concurs sará tles mans di vijitadus de FB.
Ales imajes dl altonn tl’Euregio – dai paesaji dai mile corusc, ala pröma nëi, i lëgns da plü corusc y les ultimes sperses dl isté – ti vëgnel dediché n concurs fotografich cun pesć metü a jí dal’Euregio cina ai 15 de novëmber. Por tó pert él nezesciar da scrí fora le formular online y da mené inant na fotografia „L’altonn tl’Euregio“ fata o tl Südtirol, o tl Trentin o tl Tirol.Vigni partezipant pó to pert cun ma öna na fotografia.
I pesć dl concurs é trëi nöts por döes porsones tl raiun da schi dl Ju de Resia danter i 16 y i 17 de jená dl 2016, cun n skipass debann por i 17, y 20 tshirts dl’Euregio. L’ofize Euregio presentará dötes les fotografies te n album aposta sön süa plata FB www.facebook.com/europaregion.info.
Por ciafé fora chi che á davagné gnarál cumpedé i „likes“ sön Facebook de vigni fotografia. Les fotografies gnará dötes metüdes online ai 20 de novëmber, le ultim de por dé jö i „likes“ é ai 10 de dezëmber. Por informaziuns plü menüdes y le regolamënt prëibel daurí le link: www.europaregion.info/it/concorso-a-premi.asp
rc
Galaria dales fotografies
