Atualità
Dala Junta: Cohousing, frabiché alisiré y ressanamënt de abitaziuns
Trëi dezijiuns importantes á la Junta tut tl setur dl frabiché: l’introduziun dla DURP ince por le frabiché, plü fonds por ressanamënc y le proiet de cohousing.
Tl mëis de ma â la Junta provinziala dé süa aprovaziun al ressanamënt dla sënta da denant dla Telefonia dl Stat, strada Corso Talia 34, a Balsan por realisé n proiet de cohousing y coworking. Sön proposta dl assessur por le frabiché Christian Tommasini á la Junta aprové incö, ai 26 de lugio, le plann planivolumetrich y á inciarié la Repartiziun Frabiché y Sorvisc tecnich por fá la proietaziun di laurs. I criters por la bandida de gara gnará elaborá adöm ales Consultes di jogn. I cosć por i intervënc dla stortöra sará de söporjö 6 miliuns de euro che gnará partis sö te trëi agn.
Implü á la Junta provinziala ince aprové incö (ai 26 de lugio) les mudaziuns al regolamënt de esecuziun dla lege söl ordinamënt dl frabiché abitatif alisiré cun l’introduziun dal 2017 dl DURP ince por les prestaziuns che reverda le frabiché abitatif alisiré. La DURP é la detlaraziun dla situaziun economica che le zitadin mëss presenté por avëi azes a n valgönes prestaziuns economiches o alisiraziuns dles tarifes. Öna dles novités plü granes é che le sistem atual che calcolëia le davagn lordo y les detrzaiuns gnará baraté fora cun la valutaziun dla situaziun economica dla familia. Implü él ince gnü adaté l’articul che definësc les copies che vir adöm ala lege nöia dl 5 de jügn dl 2015 sön la regolamentaziun dles uniuns ziviles danter porsones dl medemo ses y che vir adöm. La DURP por la ciasa gnará adorada por dötes les domandes sides por ci che reverda la situaziun economica di domandatars, co ince por contribuc por l’eliminaziun de barieres architetoniches, l’ocupaziun de abitaziuns convenzionades, l’assegnaziun de terac convenzioné da pert di Comuns, contribuc dal fonds sozial de emergënza y d’atres alisiraziuns. Öna dles novités plü granes é che le sistem atual che calcolëia le davagn brutto y les detraziuns gnará baratades fora cun la valutaziun dla situaziun economica dla familia. Le sistem nü sará varënt dal 1 de jená dl 2017 inant.
Öna dles dezijiuns dla Junta provinziala é la mudaziun dla delibera dl program de intervënc por ci che reverda le setur dl frabiché abitatif alisiré por i trëi agn 2016-18. Na pert dla desponibilité assegnada ai Comuns por la cumpra de raiuns da fabriché – che ne é nia ciamó gnüda adorada y che reverda 8 miliuns – vëgn spostada por finanzié d'atres döes categories de intervënc. „Chisc 8 miliuns gnará partis sö danter i capitui di contribuc zënza retüdes por ressanamënc (5,5 miliuns) y por ci che reverda i contribuc zënza retüdes por ressanamënt convenzioné (söi 2,5 miliuns)“, á splighé l’assessur Tommasini. Dötadöm él gnü metü a desposiziun por la conzesicun di contribuc zënza retüdes por la restrotoraziun (prömes ciases y abitaziuns convenzionades) indöt 12 miliuns de euro dala Junta.
rc
