Atualità
Comunicaziun digitala, prorograziun poscibla da Roma
Ai 11 d’agost ess messü ester la data ofiziala dl passaje al’aministraziun digitala. Le Consëi di Ministri podess insnöt sposté le start.
„La strada che porta tl vers de n’aministraziun daldöt digitala podess s’archité en püch“, chësc sotlignëia l’assessuria por l’informatica Waltraud Deeg, che fej referimënt ales usc tres plü sterscies che prevëiga na prorograziun dla deadline por l’oblianza de na comunicaziun ma plü digitala danter les impreses y l’aministraziun publica. Le Consëi di Ministri podess, te süa sentada da insnöt, tó la dezijiun da sposté dai 11 de agost la data a plü inant, y chësc ess conseguënzes ince por le Südtirol. „Sce Roma tolará chësta dezijiun messará ince la Provinzia de Balsan s’adaté: ince sce l’aministraziun provinziala é arjignada ca por azeté la sfidada. Al se trata de n passaje fondamental por scemplifiché y alisiré l’aministraziun publica y tl medemo momënt garantí la segurëza y l’azessibilité ales prozedöres“, dij Deeg.
rc
