Atualità
Colabordus d’isté ti parcs naturai, domandes cina ai 27 de forá
Por l’isté él l’Ofize Parcs naturai che chir colaboradus por les sorvisc sajonal de proteziun ti set parcs naturai. Domandes cina ai 27 de forá.
Les ativités d’informaziun y educaziun ambientala che vëgn metüdes da jí dai colaboradus sajonai é na gran richëza por la gestiun efiziënta di parcs naturai, che é raiuns sot a na sconanza particolara. Ince por l’isté dl 2017 él i set Parcs naturai südtirolej che chir colaboradësses y colaboradus por la sajiun da d’isté: por podëi fá chësc sorvisc él nezesciar da avëi sura i 18 agn, da avëi stlüt jö la scora d’oblianza, da avëi l’atestat de bi- o trilinguism C y la portignënza a un n grup linguistich.
Les domandes messará gní menades inant cina les 12:00 de ai 27 de forá dl 2017 al Ofize Parcs naturai, strada Renon 4, a Balsan. I formulars é da ciafé sön internet clican sön chësc link, o al é ince poscibl da fá domanda te öna dles sëntes di parcs naturai, por ejëmpl a Al Plan (Via Catarina Lanz 96, tel. 0474 506120), Bornech (plaza dl Comun 10, tel. 0474 582330), Maran (plaza dla Rena10, tel. 0473 252255), Balsan (tel. 0471 417770) y Welsberg (Via Santa Maria 10/A, tel. 0474 947360).
Les proes d’azes sará ai 28 y 29 de merz y i candidac pó s’arjigné ca cun le material didatich informatif metü a desposiziun dai Ofize Parcs naturai. De plü informaziuns é da ciafé clican sön: www.provincia.bz.it/natura-territorio/temi/parchi-naturali.asp. Denant co mët man cun le sorvisc messará i candidac tó pert a n curs de formaziun che gnará tigní plüssigü ai 25, 26 y 29 de ma y al 1 de jügn.
usp
