Atualità
Ann de Scola de Mujiga 2024/25: crì ora la stieres ai 1. y 2 de agost
N juebia ai 1. de agost y n vënderdi ai 2 de agost iel l mesun de jì a se crì ora n prejënza la stiera per l personal dla Scoles de Mujiga Tudësces y Ladines
Cun la vela y la sëurandata dla stieres a despusizion per nciariei de n ann, per ncëries de suplënza y per ncëries a tëmp ndeterminedà - che ie la stieres de rodul o pragmatisedes, coche n dij - se njënia la Scoles de Mujiga Ladines y Tudësces ca per l ann de scola 2024/2025. De ndut iel danman 255 stieres, per la gran pert stieres part time.
la zentrela dla stieres ie n juebia ai 1. y n vënderdi ai 2 de agost, n prejënza tla sënta dla Repartizion dl Personal basite ndrët dl Palaz provinziel 8, tla streda Renon 5 a Bulsan. I orares avisa ie da liejer do sun la plates internet provinzieles, plu avisa tla plata tudëscia Stellenwahl für das Lehrpersonal der Musikschulen | Personal | Autonome Provinz Bozen - Südtirol. Iló iel nce lessù la lista dla stieres dla scoles de mujiga, cun d’uni sort de nfurmazions sëuraprò n con’ dla vela dla stieres.
Per dumandes n con’ dla stieres singules che ie te chësta lista dëssun cuntaté la scola respetiva. I dac de cuntat ie tla plata internet deutsche-bildung.provinz.bz.it/de/musikschulen.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red/mac/dl
