Atualità
-
L’assessuria Stocker vijitëia la sënta dla Caritas a Balsan
L’assessuria provinziala Martha Stocker s’à incuntè da püch cun i direturs dla Caritas tla sënta a Balsan por s’informè sön l’ativité dl’assoziaziun.
-
Chësta edema degöna sentada dla Junta provinziala
Chësta edema ne saràl degöna sentada dla Junta provinziala, la proscima sentada danter le Presidënt dla Junta y i assessurs provinziai é insciö preodüda por le mertesc dla proscima edema, ai 22 de messè. Por chësta rajun ne gnaràl indoman gnanca tignì la conferënza stampa do la sentada dla Junta.
-
Scora ladina: Düć i candidać (scora mesana y alta) à passè l'ejam contlusif
Incö vëndres, ai 11 de messè à presentè l’assessur por la scora ladina Florian Mussner y l‘intendënt por la scora ladina Roland Verra tratan na conferënza stampa a Balsan i resultać dl ann scolastich 2013-14 tles scores ladines. La conferënza stampa de presentaziun é gnüda tignida adöm cun l’assessur por la scora todëscia Philipp Achammer y l’assessur por la scora taliana Christian Tommasini.
-
Inauguraziun dla mostra "Le cör dla ćiasa - La stüa tla Val Badia"
En vëndres ai 18 de messè dales 6 da sëra vëgnel daurì tl Museum Ladin Ćiastel de Tor a San Martin la mostra temporanea "Le cör dla ćiasa- La stüa tla Val Badia", dedicada al svilup y al significat dla stüa che é stè por secui le cör dla ćiasa ladina. Ala inauguraziun gnaràl i curadus dla mostra y l’assessur ai Museums Florian Mussner.
-
Scora ladina: L’insegnamënt plurilingual é gnü amplié dala Junta
L’insegnamënt de na materia scolastica te n lingaz forest, che é gnü esperimentè dal 2011 inant tles scores altes ladines, é gnü aprovè inier, mertesc ai 8 de messè, dala Junta provinziala.
-
Sbürles al’economia (4): Critêrs nüs por le sostëgn al’urbanisaziun
Por l’urbanisaziun de zones industriales él preodü da śëgn inant indô la conzesciun de contribuć. Chësta dezijiun à tut incö (ai 8 de messè) la Junta provinziala, che à inće tl medemo tëmp stabilì i critêrs por l’assegnaziun dl sostëgn. Contribuć gnarà ma plü conzedüs por l’urbanisaziun primara dles zones, plü sostëgn él indere preodü por zones industriales innovatives o sura-comunales.
-
Sbürles al’economia (3): De plü investimënć por les operes publiches
La Junta provinziala sostëgn le mioramënt dla situaziun economica inće cun investimënć tl ćiamp dles infrastrotöres. Incö (ai 8 de messè) à la Junta provinziala aprovè le program por les operes publiches, na spëisa che prevëiga l’investimënt anual de 52 milinus de euro ćina le 2018. Implü él gnü definì les prioritês por la proteziun cuntra la tomada de peres.
-
Sbürles por l’economia (2): Parch tecnologich cun le sostëgn de düć
Le parch technologich a Balsan gnarà fat sö, “y chësc cun l’aiüt de düć i seturs y dötes les organisaziuns dl’economia”. Chësta la notizia che le Presidënt dla Junta Arno Kompatscher à dè incö (ai 8 de messè) do la sentada dla junta provinziala y do n’incuntada cun düć i rapresentanć dl’economia inier da sëra. Le moto dla costruziun y dl auzamënt nü sarà: Manco publich, plü privat.
-
Sbürles al’economia (1): L’IRAP gnarà arbassada – Antizipaziuns damanades
La Junta Provinziala à aprovè n program finanziar cun de plü mosöres finanziares por ti dè n impuls al’economia. Öna dles mosöres zentrales é la diminuziun dl’alicuota dl IRAP dal 2,88 porcënt al 2,78 porcënt. Intratan él inće gnü registré na gran domanda do les antizipaziuns sön le ressanamënt dla pröma ćiasa.
-
Sessiun da d’altonn por l’ejam da iagher: Iscriziuns ćina ai 29 de agost
I proscimi ejams por deventè iagri gnarà tignis a San Laurënz dai 14 ćina ai 17 de otober y a Maran-Obermais dai 21 ćina ai 24 de otober. Les domandes por l’iscriziun mëss gnì dades jö cun n formular cun n martl da bol da 16 euro y cun le numer de telefonn ćina al plü tert ai 29 de agost al Ofize Ćiacia y Pëscia tl palaz provinzial 6, strada Brenner 6, a Balsan.
