Atualità
-
Record de iscrizions tla scoles autes ladines (cun audio)
USP – Da 25 ani ne iel nia stat tan truepa iscrizions tla scoles autes ladines sciche per l ann de scola che vën. Tla scoles autes y prufescioneles di luesc ladins se a scrit ite 11 percënt de plu jëunes y jëuni permez al ann passà. Dala scolines nchin ala scoles autes paritetiches ladines saral tl ann de scola 2013/14 de ndut 3.278 sculeies.
-
Dala senteda dla Jonta provinziela dl 08 de auril
La dezijion de fé l metrobus da Kaltern a Bulsan, la realisazion de n parcours per prejenté la provinzia de Bulsan sciche KlimaLand, la situazion critica n cont dla candidatura a deventé capitela culturela europea 2019, la trasses da ruvé permez ala tunel dl Prëner y i tëmps te chëi che la Provinzia paia la contes ie stai i argumënc prinzipei tratei dala Jonta provinziela ai 08 de auril y prejentei te cunferënza stampa dal presidënt Luis Durnwalder.
-
Jonta provinziela da pro 158 milion per l KlimaLand Südtirol
USP – Cun l inuem de KlimaLand uel la Jonta provinziela mëter l Südtirol n mostra sciche ejëmpl n cont de cunsum de energia y adurvé energia alternativa. (NCUEI) Ai 8 de auril ala dat pro na l’idea de taché adum i proiec da mustré dant. Ntan i proscimi 15 ani dëssa l’Aministrazion publica y privac fé nvestimënc per 158 milion per mustré su l Südtirol sciche KlimaLand.
-
Capitela dla cultura 2019: ancunteda cun Unieja y pona candidatura de Bulsan
USP – Do che Unieja semea de ulëi lascé tumé la candidatura dl Nordest dla Talia per deventé Capitela culturela europea 2019, à l presidënt dla Provinzia Durnwalder (NCUEI) ai 08 de auril dit che dan crì d’autra pusciblteies iel mo da se la fé ora cun Unieja.
-
Trassa per ruvé permez al tunel dl Prëner tl PUC
USP – Canche la ferates furnerà tres l tunel dl Prëner, ne puderales nia se mpifé tl raion danter Pruca y la sëida cun l Trentin. Per chësta rejon se mpënia la Jonta provinziela che l vënie purtà inant la trasses da ruvé permez al tunel. (NCUEI) Ai 8 de auril à i assessëures provinziei dat pro che la trassa dëssa unì purteda ite ti planns urbanistics chemunei.
-
La Provinzia paia te tëmp de 25 dis
USP – La firmes che à fat lëures per la Provinzia de Bulsan muessa, do che l ie unì scemplificà la pruzedures, me plu aspité 25 dis che l ti vënie paià ora la contes. A chësta maniera ti juda la Provinzia a firmes che à dificulteies de licuidità finanziera.
-
L metrobus da Kaltern a Bulsan vën fat
USP – Ntan la senteda da (NCUEI) ai 08 de auril à la Jonta provinziela valutà n studi de fatibltà per n metrobus tl Überetsch per miuré l trasport publich danter Kaltern y Bulsan. I assessëures ie stai a una che l dëssa unì realisà chësc mesun de trasport che costa scialdi de manco che n tram y che se lascia nce realisé plu aslune.
-
Lores “M14” ai 15 de auril tl Museum Natura a Bulsan
USP – La lores che l ann passà d’auril fova ruveda sota n auto a Kollman, sarà da udëi tl Museum Natura a Bulsan. Na sezion nueva de chësc museum dedicheda al lores y al lëuf che ruva inò tl’Elpes unirà giaurida n lunesc, 15 de auril dal presidënt dla Provinzia Durnwalder y l’assessëura Kasslatter Mur.
-
L film sun l’autonomia "stimmen voci ujes" n dumënia sun RAI3
USP – L svilup dl Südtirol cuntà cun de pitla stories persuneles: chësc ie da udëi tl film "stimmen voci ujes" che ie unì fat n ucajion di 40 ani d’autonomia per la Provinzia de Bulsan sun scumenciadiva dla Jonta provinziela. L film vën mustrà n dumënia 7 de auril, dala 9.25 sun RAI3.
-
10 auril: pest dla mendranza al Dalai Lama - acreditazion
USP – N mierculdi che vën, 10 auril, sëurandarà l presidënt dla Provinzia Luis Durnwalder l pest dl Südtirol per la mendranzes a Tenzin Gyatso, l 14esm Dalai Lama. Culaburadëures di media che uël fé al savëi dla sëurandata a Bulsan (cun cunferënza stampa), muessa fé n’acreditazion nchin a n merdi che vën.