Duta la scolines dl Südtirol
Tl Südtirol iel scolines tudëscies, talianes y ladines.
Dajëde ite l’inuem dla scolina, l raion, la rujeneda.
Per uni scolina abinëis na pitla descrizion, l post ulache la ie, i orares de giaurida, fotos y eventualmënter documënc da desćiarië.
Scolina "Surëdl" de Sëlva
Chemun Sëlva | Direzion dla scolines "Ladinia"
La scolina ladina "Surëdl" te Sëlva ie una dla prima scolines ulache l vën laurà aldò dl prinzip dla giaurida parziela. Chël uel dì che i mutons y la mutans possa jì liediamënter trëi iedesc al'ena te duc i locai dla scolina per fé damat y mparé, i autri doi dis stai te si grupa.
La scolina à trëi grupes cun al plu 25 mutons y mutans per grupa.
Video prejentazion Scolina "Surëdl" de Sëlva
Lëur de furmazion y de educazion
L lëur pedagogich vën fat te trëi rujenedes:
- Ladin (sciche rujeneda primera)
- Tudësch y talian (tla medema mesura)
Nfurmazions sëuraprò iel da abiné sota: La scolina ladina.
L maië san, bon y naturel te scolina.
I mutons y la mutans de scolina scurvierj l bosch y la natura
Tl ena dai 18.10.21 ai 22.10.21 sons jic uni di cun duta la grupa de mutans y de mutons, te Val, ulache on pudú passé deberieda cun ëi/les de bela ëures y mumënc emozionei tl bosch.
L ena tl bosch resterà n beliscimo lecort ti cueres de nosc mëndri, ma nce de nëus maestres che on mparà a cunëscer truepa puscibiliteies nterëssantes y nueves per nosc lëur educatif.
Ntan l ann de scolina, jons plu suvënz alalergia y tl bosch, ulache ti piton ai mutons y ala mutans deplu juesc y ativiteies miredes. A se dé ju cun l ambient, che nes ncërtla ite, aprofondësc ëi/les dlongia cunescënzes scientifiches, nce truep d‘autri argumënc, che reverda per ejëmpl la scunanza dla natura, na cuscienza ambientela y n raport respunsabl cun l´ambiënt (veigh fotos tlo dessot).
Locai de scolina
La scolina "Surëdl" de Sëlva à trëi de gran tlasses linëuses cun na gran vela de materiai da fé damat y sëuraprò mo te uni tlas n azënt pedagogich:
Sezion 1 (grupa cuecena):
- Juesc y materiai per la promozion ala matematica
- Materiai Montessori
Sezion 2 (grupa vërda):
- Natura y ambiënt
Sezion 3 (grupa bruma):
- Fajon damat cun i 5 sënsc
Sëuraprò iel mo:
- n local de muvimënt
- n local per fé juesc de rodl
- n local per sperimenté
- n local de costruzion
- n local da depënjer
- 3 banies
- n gran verzon
Team de scolina
L team de scolina ie metù adum cinch maestres de scolina (trei de chëstes a tëmp parziel) y cinch culaburadëures pedagogiches (trei de chëstes a tëmp parziel).
Orares de giaurida
Di | Orar antizipà* | Scumenciamënt | Fin | Orar slungià* |
---|---|---|---|---|
Lunesc nfin juebia | - | 7:30 h | 14:30 h |
- |
Vënderdi | - | 7:30 h | 12:30 h |
- |
(*) L orar slungià muessa unì damandà al mumënt dla iscrizion.
Cuntat
Scolina "Surëdl"Coordinadëura: Laura Di Genova
Str. Nives 16
39048 Sëlva (BZ)
Tel. +39 0471 772180
E-mail: kg_selva@schule.suedtirol.it
Downloads
D'autri comunicac de chësta categuria
- Scolina da La Ila (18.01.2018)
- Scolina Scurcià de Urtijëi (18.01.2018)
- Scolina de San Ciascian (18.01.2018)