Campania „No Credit“: cuntroi ai prim y doi de juni
USP – Ai prim y doi de juni uniral cialà do plu avisa l muvimënt sun la stredes dl Südtirol. Tl cheder dla campania de sensibilisazion “No Credit” uniral ntan chisc dis fat de plu controi per schivé desgrazies sun streda.
Chëi che ie n dumënia y lunesc che vën sun streda unirà tenì su dai polizaies de chemun, dai polizaies de streda y dai Carabinieri per vester nfurmei sun l risich de desgrazia y per vester cialei doi. Aldo de analises furnea truepes massa debota y ti la vega demassa, na cumbinazion che porta pericul de vita. Per chësta rejon sarà i polizaies a lecurdé dl risich y dl bujen de respeté la regules de streda. Sëurapro uniral nce spartì ora l material nfurmatif dla campania “No credit”. “Ulon ti stlarì a uni un che furnea sun streda che l ie periculi y che uni un ie respunsabl per se, ma nce per i autri” nscì la paroles dl assessëur de cumpetënza Florian Mussner. “La va perchël de furné plu bel plan y plu segures”. L fin prinzipel di doi dis de azion ie aldò de Mussner chël de stlarì y sensibilisé.
Tres la campania de sensibilisazion “No Credit” uël l dipartimënt per lëures publics cun nfurmazion y culaburazion cun d’autra urganisazions jì contra la truepa desgrazies. Sce son nce me boni de schivé na sëula desgrazia, se à dut l mpëni bele paià, à dit Mussner. Davia che nfurmazion y stlarimënt ne basta nia for, an nce cris la culaburazion dla polizai che fajerà ntan i doi dis de festa de plu cuntroi sun streda.
Deplu nfrumazions per duc chëi che ulëssa furné plu segures iel nce da abinè tl internet sota www.nocredit.it.
as
