Program europeich de competitività y lëur
USP – 72 milion de Euro unirà spendù nchin tl 2013 tl Südtirol tres l program europeich per refurzé la competititvità. L Presidënt dla Provinzia Luis Drunwalder à ncuei, 4 de nuvëmber prejentà deberieda cun esperc, l program europeich. L ie nce unì cialà de reviers al prim cuncors y dat nfurmazion sun l segondo proiet che ie unì scrit ora.
Reprejentanc dla defrënta pertes economiches, sciche lies economics, sindacac, uemes dla Provinzia y dla Union Europea ie ncuei ruvei adalerch tla sënta dl TIS a Bulsan per audì dal Presidënt dla provinzia y si esperc, ciun che ie l program europeich per rafurzé la competitività regiunela y l lëur. “Feter 72 milions de Euro ruva tres chësc program te proiec che dëssa seguré sun n tëmp plu lonch l raion dla Provinzia de Bulsan” à spiega Luis Drunwalder. L program europeich va inant te trëi pertes: l vën sustenì proiec che porta pro ala competitività dl sistem economich tl Südtirol, proiec de svilup economich tenian cont dl ambient y proiec de prevenzion per periculi naturei.
De merz iel unì scrit ora l prim cuncors. Tlo iel unì mandà ite 42 proiec de chëi che 18 ie unic valutei dënies de n sustëni, à dit Drunwalder. Te chisc proiec vëniel metù ite ntëur 9,5 milion de Euro. Śën iesen tl lëur de scrì ora l segondo cuncors cun na soma de feter 23,6 milion de Euro. “Nchin ai 4 de dezëmber possel unì mandà ite proiec che respetea una dla trëi pertes dl program” à dit l presidënt.
Nteressei al segondo cuncors EFRE giata la nfurmazions sun la plates provinzieles tl internet, sota www.provinz.bz.it/europa/de/entwicklung-finanzierung/eu-fond.asp. Sëurapro ie nce a desposizion l Ufize provinziel per ntegrazion europea, tla streda Gerber 69 a Bulsan (tel. 0471 413160; E-Mail: efre@provinz.bz.it).
as
