Viver la rujenedes deberieda te scolina
USP – Tl liber "Miteinander-Insieme-Deboriada" vëniel prejentà poejies, rimes, cianties, juesc y cuntedes tla trëi rujenedes dl Südtirol. Chësta publicazion per la scolines dla trëi grupes de rujeneda ie nasciuda da na culaburazion di trëi istituc pedagogics. L liber cun doi CD vën prejentà n juebia 13 de nuvëmber a Bulsan.
Per ti giaurì ai mëndri dla scolina la portes al’autra grupes de rujeneda, iel unì cris adum stories, cuntedes, cianties, poejies y juesc tla trëi rujenedes. Chëstes ie śën unides publichedes te n liber cun CD dal titul "Miteinander-Insieme-Deboriada". L’idea di trëi istituc pedagogics ie stata chëla de giaurì portes tres chëles che i mëndri dla scolina giape la sensazion che vivon te n raion cun trëi rujenedes y cun stories, tradizions y cultures defrëntes. Cun l aiut dla publicazion possa la pitla mutans y i pitli mutons nrescì defrënzies y pertes valives permez al’autra grupes de rujeneda.
Per la maestres y assistëntes dla scolines ladines ie la publicazion nueva bele unida prejenteda a Urtijëi. N juebia 13 de nuvëmber vëniela prejenteda a Bulsan tl teater Cristallo, streda Dalmazia 30.
L liber cun CD unirà prejentà da reprejentanc di trëi istituc pedagogics, Rudolf Meraner, Daniela Pellegrini Galastri y Theodor Rifesser, i trëi ntendënc Peter Höllrigl, Bruna Rauzi Visintin y Roland Verra deberieda cun reprejentanc dla grupa de lëur per chësta publicazion.
as
