Pitla streda nueva a La Val
USP - La segonda Cumiscion per la defendura dla cuntreda à dat pro de fé na streda per ruvé permez a n raion abitativ nuef a La Val. Chësc ie unì fat ora n mierculdi, 12 nuvëmber a Bulsan.
Ai respunsabli per la defendura dla cuntreda ti iel unì metù dant n proiet de na streda per ruvé permez al raion de frabiché alesirà “Plaiac III” sëura la Val. L se trata de na streda de 200 metri cun na gran pendënza. “Per no messëi fé su de gran mures sëura pert dla streda de azes, uniral spustà la streda prinzipela tl raion dl ncrëusc” spiega l presidënt dla cumiscion Winfried Theil. Per fé la streda de azes iel debujën de taië lëns, daldò messeral inò unì sentà ite de nueves. L dlander de streda, dessot pert, muessa unì fat de lën.
as
Galaria dales fotografies
A La Val possel unì fat na pitla streda per ruvé permez al raion abitatif nuef Plaiac III.
