Ai 22 de nuvëmber premiazion de “Auturs ladins scrì”
USP – La rujeneda possa unì arichida tres opres letereres. Chësc vën a se l dé tres l cuncors de leteratura ladina metù a jì dal Assessorat ladin dla Provinzia de Bulsan. N sada 22 de nuvëmber uniral premià i autores che à venciù chëst ann y prejentà la publicazion cun si opres letereres.
Te na sëira de leteratura y premiazion uniral unerà Iaco Rigo y Ivan Senoner che à venciù la segonda edizion dl cuncors “Auturs ladins scrì”. I autores liejerà dant pec de si opres: Iaco Rigo da La Pliscia, l opra “Verijun de n caprize” y Ivan Senoner, che à venciù tla categuria sota 30 ani, ora l pez “Tré l’ega”.
Deberieda cun l assessëur Florian Mussner y l diretëur de repartizion Alexander Prinoth ie duc nviei a unì a scuté su cie che la leteratura contemporanea ladina pieta. Te chësta ucajion uniral nce dat ora la publicazion de 280 plates cun la doi opres che à venciù l cuncors.
La premiazion y letura dl opres premiedes sarà
n sada, 22 de nuvëmber 2008
dala 20.30
tla pitla sala dla Cësa de Cultura a Urtijëi.
Culaburadëures di media ie nviei a unì y a repurté dla sëira.
as
