Streda de Gherdëina resta sareda a Puntives
USP – Do che tla nuet danter vënderdi y sada iel unì ju sasc, resta l stradon de Gherdëina a Puntives, de viers de Tluses, sarà. L Servisc provinziel per la stredes fej dut l puscibl per seguré la streda. Duman, merdi ai 18 tulerà i geologs dla Provinzia na dezijion deberieda cun i respunsabli dl Servisc ala stredes, per giaurì la streda.
Do la nuet danter vënderdi y sada ie i culaburadëures dl Servisc provinziel dla stredes tl lëur. Riesc do l raion de produzion a Puntives, de viers de Tluses, se à feter 100 metri sëura streda destacà n puron de porfir de sies metricubich. Doi cubich de sasc ie tumei sun l stradon de Gherdëina. Mo feter 400 cubich manacia de tumé ju.
L assessëur Florian Mussner ie n sada da duman stat deberieda cun i geologhes sun l post per ti cialé ala situazion: per rejons de segurëza al riesc lascià saré la streda.
Do avëi rumà la streda y la luegia ulache ie unì ju i sasc, vëniel śën mo rumà su, cossa che muessa n pert unì fata a man. Na lingia de lëns che ie unic tuchei dai sasc, muessa śën unì taiei. Nce per chësc lëur muessen tenì la streda śareda. La pert de crëp melsegura muessa ënghe unì tëuta ju y segurà l’autra pert dl crëp. L mur de sustëni, mplenì su cun sasc smuiëi ju, muessa unì metù a post. I culaburadëures dla Provinzia fej dut l puscibl per finé riesc i lëures, ntan che i geologhes cëla avisa sce ne se destaca mieno mo crëp.
Co che l vën fat al savëi dal Dipartimënt di lëures publics, resta la streda nce duman, 18 de nuvëmber śareda. Sun l post uniral duman tëut la dezijion sce ti proscimi dis possel unì giaurì n pert la streda.
L muvimënt de streda vën ntant avisà ora sun la streda de Pruca (SS 242) o sun la streda de Blumau – Ciastel - Gherdëina (LS 24, LS 64).
as
