Bënsté per l purtoi sun Piz Sella te Sëlva
USP – La segonda cumiscion provinziela per la defendura dla cuntreda à dat pro de lascé fé lëures pra l purtoi „Dolomiti“ sun Piz Sella. L proiet tl Chemun de Sëlva vëija dant de splané ora pertes dl purtoi. L proiet mandà ite dala sozietà „Piz de Sella AG“ vëija dant de spusté de ndut 9.365 metri cubich de tiera sun l purtoi danter la stazion a mont sun Piz Sella y la utia Comici.
Sun na spersa de ntëur 13.000 metri cuadrac dëssel unì splanà ora coi a na maniera che l sibe manco bujes da mplenì cun nëif. Per chësta rejon iel i ani passei stat de bujën de fé truepa nëif sëuraprò. Tres l splané dl purtoi se sparanien de fé ntëur 5.000 metri cubich de nëif y leprò l strom per la produzion.
Te si senteda dl 25 de nuvëmber à la Segonda cumiscion provinziela per la defendura dla cuntreda dat si bënsté per chësc proiet, se damandan purempò na cauzion de 15.000 Euro. I lëures muessa unì cialei do dal Servisc de Furestela y l raion ulache l vën laurà muessa dopro inò unì fat crëscer ite.
as
Galaria dales fotografies
L purtoi dai schi sun Piz Sella possa unì valivà. (Foto USP/Stuffer)
