Prejentazion de material didatich sun la Lijëndes ladines
USP - L Ntendënza per la Scoles Ladines, deberieda cun la Lia Culturela Fanes y la Consulta Ladina a Bulsan prejenta na publicazion nueva de materiai per la scoles dal titul “Lijëndes y cianties”.
Chësc material didatich ie pensà dantaldut per l nseniamënt dl ladin, davia che l se dà ju cun nosta tradizion epica y mitologica plu antica, chëla dla lijëndes ladines dla Dolomites.
La publicazion tol ite n contribut dl Ntendënt Roland Verra che trata dla fazion dla lijëndes sun la cultura ladina y tla segonda pert na lingia de cianties sun la lijëndes metudes adum da Fonso Willeit.
Chësta publicazion unirà prejënteda al 27.11.2008 dala 20.00 tl salf dles manifestazions de Al Plan de Mareo y ai 29.11.2008 dala 20.30 tl self dla Chëurt dl Palais Widmann tla Streda Crispi 3 a Bulsan.
L cor di “Pici ciantadus de Al Plan” sota la direzion de Inge Ties y Herta Feichter purterà dant la cianties dl liber cun l acumpaniamënt al tlavier de Ulrich Willeit. Sëuraprò sarà mo la solista Susy Rottonara a purté dant n valguna melodies deberieda cun Fonso Willeit. L scritëur Christian Ferdigg liejerà dant stories sun l argumënt dla lijëndes. La manifestazion ie davierta a duc y vel coche ajurnamënt per i nsenianc.
SAN
