Frea, Ciaulunch, Pordoi y Valparora sarei per la nëif
USP - L Assessorat provinziel ala stredes fej al savëi che nsnuet dala 7 da sëira vën sarei i jëufs de Frea y Pordoi. Chësc ie debujën per la truepa nëif che ie unida ncuei.
L pericul de levines ie massa grant y la segurëza de chëi che ie sun streda ne possa nia plu unì garantida. Nplu iel dassen da vënt che straventa la neif sun streda. Cun chësta mutivazion muessel ncuei, mierculdi 10 dezëmber, unì sarà i jëufs Frea y Pordoi. La streda unirà śareda dala 7 da sëira. Sun i jëufs iel ncuei domesdì unì muserà nchin a 30 cm de nëif frëscia. I jëufs Valparora y Ciaulunch ie bele unic sarei domesdi. L Jëuf de Selva fova bele unì sarà i dis passei.
as
