Mostra dla Scola d’Ert: giaurida ai 16 de dezëmber
USP – Tla sënta dla Repartizion provinziela per la Scola y Cultura ladina a Bulsan unirà duman merdi, 16 dezëmber, giaurì la mostra di sculeies dla Scola d’Ert de Urtijëi dedicheda a Leonardo da Vinci.
I sculeies dla Scola d’Ert Cademia à fat nterpretazions liedies de scultures y pitures sun l corp dla persona. L’ispirazion ai tëut dal storich artist y anatom Leonardo da Vinci. I lëures cun nce la schizes anjeniedes dai sculeies vën metui ora te na mostra a Bulsan che resterà davierta nchin de jené 2009. Da udëi saral tlo nce co che ie unides adurvedes de plu tecniches.
Duman, merdi 16 de dezëmber unirà giaurì la mostra dedicheda a Leonardo da Vinci tla sënta dla Repartizion per la Scola y Cultura ladina, tla streda Binder 29 Bulsan. Duc i nteressei ie nviei dala cinch domesdì.
as
