Museum Ladin gëura da Nadel
USP – L Museum Ladin a San Martin de Tor gëura inò n S. Stefun, ai 26 de dezëmber y resta ntan la festes uni di daviert. Do la paussa da d’autonn sarà l museum inò daviert nchin da d’autonn che vën.
Ai 26 de dezëmber gëura inò l Museum Ladin Ciastel de Tor che fova unì sarà ala fin de utober per la paussa da d’autonn. Nchin ai 9 de jené puderan uni di domesdì, da la doi ala sies, jì a ti cialé a dut l museum. Dopro uniral fat na pitla paussa nchin ai 14 de jené, canche l Museum ladin giaurirà pona trëi dis al’ena.
Davia che la mostra sun la vedla ciampanes dla Val Badia y de Gherdëina à abù gran suzes iel da permò uni slungià chësta mostra dal titul “Alda, lascia vëis”, nchin a Lunesc de Pasca.
L orar da instà scumëncia bele la Dumënia dl’Ulif ai 5 de auril canche l n puderà vijité l museum de mierculdi, juebia y vënderdi domesdì.
Per nfurmazions plu avisa possen cherdé su tl Museum Ladin al 0471 524020.
as
