Crëta per Roland Verra
USP – La Jonta provinziela à ncuei (15 dezëmber) slungià la ncëria dl ntendënt ala scoles ladines Roland Verra. La crëta ti ie unida data per i proscimi cin ani.
Roland Verra de Urtijëi ie dal ann 1992 ntendënt ala Scola ladina y ie tl medemo tëmp nce ispetëur. Si ncëria ie ncuei unida slungëda nchin de jené 2014. “Me ncunforte a lauré inant n culaburazion cun duta la istituzions per l svilup a bën dl nteres dla scola”, nsci Verra ncuei do la senteda dla jonta. L assessëur ala scola ladina Florian Mussner à sorissà la mpurtanza dla continuità per la ncëria da ntendënt. “Roland Verra à mustrà gran mpëni a bën dla cualità dla scola ladina, chësc ne ie nia tan saurì te chisc tëmps de reforma” à dit l assessëur, prim respunsabl dla scola ladina.
as
