Cuntribuc tl ciamp saniter: dumandes nchin ala fin de jené
USP – Nce te chësc ann de scola dà la Provinzia de Bulsan cuntribuc per la furmazion sanitera de basa y la furmazion per mestieres de sanità. La prima data per dé ju dumandes ie ai 30 de jené 2009.
Per giapé aiuc economics tla furmazion sanitera iel criters defrënc. Tl cajo dla furmazion de basa, possen avëi n davani de familia netto nchin an 27.000 Euro tl ann 2007. La mesura dl cuntribut depënd dal davani, ma l ie me udù dant per mestieres saniteres, te chëi che n chier mo jënt.
Cuntirbuc per la furmazion prufesciunela y spezifica ie udui dant sce i cursc dura amaca 14 dis. Per fé dumanda muessen avëi n titul de studi saniter che ne sibe nia dutor de medejina, l bënsté dl diretëur saniter y dl prim sëurastant. Dl davani ne vën te chësc cajo nia tenì cont. L cuntribut de studi ie mesa la soma de iscrizion al curs, che possa ruve nchin a na soma de 2500 Euro al ann.
Nfurmazions plu avisa y formuleres ie da giapé da Claudia Paulato tl Ufize provinziel per la furmazion tl ciamp saniter a Bulsan (tel 0471 418152 y 0471 418140, claudia.paulato@provinz.bz.it). Mplu nce sota www.provinz.bz.it/gesundheitswesen/2305 o sun la plates de servisc publich www.provinz.bz.it tl internet.
La dumandes de cuntribut possen dé ju nchin ai 30 de jené per i cursc danter l prim de agost y la fin de dezëmber 2008. Nchin ai 4 de mei possen de ju dumandes per cursc danter l prim de jené y la fin de lugio 2009.
as
