Jonta provinziela nueva: potenziamënt di mplanc
USP – La prima senteda dla Jonta provinziela nueva ie nce stata l’ultima senteda tl ann 2008. Ncuei (30 de dezëmber) ie unì sëurandà ufizialmënter la cumpetënzes ai assessëures y tëut tres passa 230 ponc al orden dl di. Danter i pronc prejentei dal presidënt iel nce l aumënt dla capazità de 24 mplanc porta mont.
Cialan de reviers ala sentedes dla Jonta provinziela ntan l 2008, à l presidënt Durnwalder prejentà n bilanz positif n cont dla delibres dates pro. Sun 4.930 delibres iel me stat l 1,05% (52 delibres) che ie passedes cun na stima cuntrera y 0,89% (44) cun astensions. “Passa 98% dla delibres passedes cun duc a una testemunieia l bon tlima de lëur y che la descuscions à fat ruvé a una te Jonta provinziela” nsci Drunwalder. N cont dl cuntrol di chemuns ie unì fat 1.064 delibres, 6% negatives y 94% positives.
Plann di purtoies y mplanc dai schi
24 mudazions al plann provinziel di purtoies y di mplanc dai schi ie ncuei unides dates pro dala Jonta provinziela. “L ne se trata nia de purtoies nueves ma de ngrandì la capazità di mplanc.” a dit Drunwalder. I mplanc n cuestion ie feter duc ti chemuns ladins Badia, Corvara, Sëlva y nce a Ciastel y Hafling.
mplant | pers/h | pers/h |
St.Oswald | 1.820 | 2.200 |
Laurin | 2.400 | 2.800 |
Goldkonpf | 2.400 | 2.600 |
Mezdì | 1.200 | 1.800 |
Bamby | 2.000 | 2.400 |
Ruacia-Sochers | 2.850 | 3.000 |
Danterceppies | 2.400 | 3.000 |
Piz Setëur | 1.800 | 2.200 |
Sotsaslong | 1.800 | 2.200 |
Corvara-Col Alto | 2.400 | 2.800 |
Roby | 1.800 | 2.200 |
Biok | 2.200 | 2.400 |
Corvara-Pralongia II | 1.800 | 2.200 |
Abrusé | 900 | 1.200 |
Corvara-Lech Boé | 2.400 | 3.000 |
Costoratta | 1.800 | 2.400 |
La Rüa | 1.800 | 2.200 |
La Fraina | 1.800 | 2.200 |
Gran Risa | 900 | 1.200 |
Costes dal’ega | 1.800 | 2.400 |
Belvedere | 900 | 1.200 |
Doninz | 1.500 | 1.800 |
Sponata | 1.200 | 1.600 |
Gardenaccia | 1.800 | 2.200 |
Provinzia y Chemun de Bulsan
La jonta provinziela à ncuei tratà la cuestion zitia dla puscions che dëssa unì baratedes danter Provinzia y Chemun de Bulsan. La se trata tlo dantaldut dla scola Aufschneiter y dla puscions tla streda Leonardo Da Vinici. La Provinzia ulëssa che chësc raion deventëssa dut universiter. L Chemun de Bulsan dëssa aldò de Durnwalder giapé la scola tla streda Weggenstein cun la palestra che ie mo da fé. L Chemun dëssa nce giapé l traustel (Kreuzgang) y la butëighes pra l conservatorio, l stadio dala dlacia cun la puscion che toca leprò y la puscions tla streda Südtirol.
L valor dla puscions dëssa mo unì sciazà plu avisa. Ncuei à la Jonta provinziela udù dant na resserva de 11 milon de Euro.
Mantenimënt dl avëi
Per l mantenimënt dl avëi dla Provinzia de Bulsan à la Jonta nueva ncuei udù dant 13.638.000 de Euro.
Abineda de films storics
La Jonta à dat pro n proiet interregiunel danter l Tirol dl Nord, Ost y Sud per crì adum vedli films storics. “N ulëssa tlo avëi n’abineda de films sun l argumënt dla vita n muvimënt y dl arpejon culturela” nsci l presidënt. L abineda ie n avëi culturel che dëssa nce unì metù a desposizion.
Finanziamënt de Istituzions
La Jonta provinziela à dat pro l bilanz de previjion per l 2009 de de plu istituzions. L istitut de muiga de rujendeda taliana à udù dant 1 milion de Euro, l Istitut de mujiga de rujeneda tudëscia y ladina 2,2 milion de Euro, i museums provinziei 5,9 milion de Euro y la sozietà radiotelevisiva RAS 6,7 milion.
Chemun de Mals
Davia che l ambolt de Mals ie unì lità tl Cunsëi provinziel, muessel unì fat veles da nuef. La Jonta à dat pro che la veles a Mals muessa unì fates danter l prim de mei y l 15 de juni. Te chësc cajo durerà la legislatura nueva 6 mpede 5 ani, nfati nchin al 2015 canche l sarà pona inò veles te duc i chemuns dla provinzia.
as
