Da jené de plu aiuc finanziei tl ciamp soziel
USP – Tl ann 2009 à la Provinzia de Bulsan auzà de 4,4% la sëida per paië ora aiuc finanziei tl ciamp soziel. La tarifes per i servijes soziei ne vën alincontra nia auzedes. L auzé dl sëida per aiuc soziei y l nia auzé dla tarifes ie n var inant per desciarië pëis ai zitadins cun manco davani te tëmps de crisa” spiega l assessëur Richard Theiner.
Cun l auzé dla sëida per paië ora aiuc soziei de 4,4 percënt, vëniel tenì cont dl aumënt di custimënc calculà dal Istitut de statistica. I aiuc vën calculei aldò dla soma de basa, che ie na sort de mënder davani udù dant. Sce l davani ie sota chësta soma de basa, vëniel paià ora aiuc soziei tres la forma dl “mënder davani soziel” o nce tres n cuntribut per l fit y per custimënc sëuraprò dl cuatier.
Per na familia da cater persones vëniel dal prim de jené calculà na soma de basa de feter 1200 Euro. Chësc ie 51 Euro de plu che nchin a śën. De chësc se n jova nce persones che à debujën de sté te na cësa de cura. La soma de basa vel nce per l cuntribut che l vën paià ora a chësta persones do avëi paià la cures.
usp
