Cunescënza dl nglëisc: iscrizions daviertes
USP – La cunescënza dla rujeneda nglëija ne ie te truep mestieres nia plu n savëi sëuraprò, ma na cundizion damandeda. La cunescënza dl nglëisc possen se lascé documenté tres ejams metui a jì de merz 2009 dal Ufize provinziel de bilinguism. Aldò dl livel possen se lascé nuté su nchin ai 22 de jené o 9 de fauré 2009.
Diploms per la rujeneda nglëija dai ora dal’ University of Cambridge ESOL Examinations possen giapé fajan i ejams dl Ufize provinziel de bilinguism deberieda cun la scola „Alpha beta piccadilly“ de Bulsan. L ie udù dant de plu liviei:
L diplom “First Certificate in English FCE” ie adatà per chiche adrova la rujeneda te ufizes. L ejam per chësc livel vën tenì ai 14 de merz. Nteressei possa se nuté su nchin ai 22 de jené 2009 (nchin la 12.00).
Per adurvé l nglëisc a livel de basa sibe tl scrit che tl rujenà, iel udù dat l livel “Key English Test (KET – livel A2). L livel “Preliminary English Test (PET –livel B1)“ testemunieia che n ie boni de comuniché te situazions da uni di tl scrit y rujenà. Chisc ejams possa unì dai ju ai 21 de merz. La iscrizions per chisc caji ie daviertes nchin ai 9 de fauré 2009.
I ejams unirà tëuc ju sce l se nunzieia almanco diesc persones.
Nteressei possa damandé do nfurmazions plu avisa y se scrì ite tl Ufize provinziel de bilinguism a Bulsan, tla streda Neubruch 2. (telefonn 0471/411273-67, E-mail Donatella.Ricchetto@provincia.bz.it). I formuleres ie nce da pudëi se tò ju da internet sota http://www.provinz.bz.it/cultura/830.asp
Material per se anjenië ai ejams ie da puei se mpresté tla bibliotech dl zënter dla rujenedes a Bulsan, tla streda Kapuziner 28. Tl internet abinen material da mparé nglëisc nce sota chësta adresses:
www.candidates.cambridgeesol.org/cs/
www.cambridgeesol.org/exams/general-english/ket.html
www.cambridgeesol.org/exams/general-english/pet.html
www.cambridgeesol.org/exams/general-english/fce.html .
usp
