Dumandes per borses de studi y pesc’ nchin ai 16 de fauré
USP – Studënc possa da ncuei, 15 de jené, fé dumanda per borses de studi y pesc’. Chisc scioldi vën dai ora do l prinzip dla prestazion y nia sciche d’autra manieres de sustëni che ie basedes sun la situazion economica. De ndut iel unì scrit ora 342 borses de studi y 40 pesc’ dla prestazion.
Davia che l vën adurvà sistems defrënc de dé la notes, vën la borses de studi dates ora do cuncorsc fai singularmënter per luech de studi. A chësta maniera iel udù dant 83 borses de studi per chëi che studieia tl Südtirol, 106 per chëi che studieia te d’autri luesc dla Talia y 153 per chëi ie oradecà. La dumandes possa unì mandedes ite da studënc che ntan l ann de scola 2007/08 à arjont almanco 40 ECTS y na media de notes o la laurea curta de 1,5 (oradecà) o 27/30 (tla Talia).
Sëuraprò ala borses de studi dà la Provinzia de Bulsan nce pesc per chëi che à finà via i studi cun dassënn de bona notes. La rejona de chisc pesc à i studënc che à ntant scumencià na spezialisazion.
La dumandes online possa unì dates ju da ncuei, 15 de jené nchin ai 16 de fauré 2009. Chësc possa unì fat tres la plates internet provinzieles www.provinz.bz.it/egov/studienfoerderung. Chi che fej dumanda per l prim iede, possa se damandé l login tl Ufize provinziel per sustëni ai studënc. Nfurmazions plu avisa giaten cherdan su i numeri 0471 413347 y 0471 412926, o scenó nce tres e-mail (hochschulfoerderung@provinz.bz.it). La cundizions plu avisa dl cuncors ie nce publichedes sun la plates www.provinz.bz.it/bildungsfoerderung tl internet.
usp
