Streda de S.Piere sareda per pericul de smueia
USP – La streda de S. Piere tl Chemun de Laion ie unida sareda per pericul de smueia. Duman merdi (10 de fauré) vëniel scumecià cun i lëures per seguré la streda. S.Piere possa ntant unì arjont passan per Laion.
Sota S.Piere, ulache l ie unì fat da nuef i puenc, ie inier dumënia, 8 de fauré unida ju na smueia. Per rejons de segurëza an riesc messé saré la streda. Te chësta luegia ova l Servisc provinziel per la stredes d’autonn scumencià i lëures per seguré l rone. Ntan l inviern an fermà i lëures per pudëi jì inò inant d’ansciuda. Nce sce la cundizions ie drët stletes muessen śën riesc jì inant cun i lëures.
Sun ncëria dl Assessorat ai lëures publics ie i geologhes Volkmar Mair y Stefano Drago ncuei stai sun l post per fé n cheder dla situazion. L rone che ova bele rëies de prutezion, à śën de plu lueges che manacia de smuië. Bele duman merdi, 10 de fauré scumencerà la firma Unirock a seguré l rone.
Tl dipartimënt per i lëures publics fejen cont de pudëi do trëi dis amaca giaurì mesa larghëza dla streda. Ntant muessa i auti astilé ora la luegia furnan per Laion.
as
