Stiera da diretëur per raions da mont
USP - Tl Ufize provinziel per ruves da mont y levines vëniel crì n diretëur nuef. L cuncors unirà publicà n lunesc che vën, 9 de merz tla plata ufiziela dla Region. Nteressei possa mandé ite si documentazion de dumanda nchin ai 8 de auril.
L diretëur nuef tl Ufize provinziel per ruves da mont y levines dëssa se cruzië dl raion sud dla Provinzia de Bulsan. L Ufize provinziel fej pert dla repartizion dla Costruzions idrauliches. L cuncors plu avisa unirà n lunesc 9 de merz publicà tla cuarta pert dla plata ufiziela dla Region (edizion nr.9). Nchin ai 8 de auril (dala cinch domesdì) puderan pona de ju la dumandes per fé pea l cuncors tl’Ufize provinziel de Urganisazion, tla Cësa Widmann, streda Crispi 3 a Bulsan.
as
