Veles chemuneles: sënies de lista nchin ai 20 y 21 de merz
USP – N vënderdi y sada, 20 y 21 de merz possa la listes che se prejënta ala veles de chemun a Badia, Prëner, Mals y Plaus de ju i sënies de lista. L dé ju l sëni tla Presidënzia provinziela cumporta la defendura giuridica dl sëni, ma ne ie nia de ublianza.
I sënies de lista possa unì dai ju n vënderdi 20 de merz (8.00 nchin 17.00) y n sada 21 de merz (8.00 – 16.00) tl Ufize provinziel per cuestions de cabinet tla cësa Widmann a Bulsan. Te chëla che l ie unì dat ju n sëni, ne possa d’autra listes nia adurvé l medem sëni. I sënies che ie unic dai ju unirà publichei sun placac y l orden unirà trat a sort.
Per dé ju i sënies iel debujën da tò pea la documentazion, trëi copies dl sëni nstës sun papier de mesura A4 y te forma digitela. L ne possa nia unì dat ju i medemi sënies de d’auta listes o che ti semea. Sun i simbol de lista ne possel nce no vester sënies o cosses de religion.
Nfurmazions plu avisa per dé ju sënies de lista giaten tl Ufize provinziel per cuestions de cabinet (Tel. 0471 412130; e-mail: kabinett@provinz.bz.it).
as
