Mussner lauda i chemuns de Gherdëina
USP – L assessëur Florian Mussner lauda i trëi chemuns de Gherdëina che à n sada giapà na uneranza da pert dla lia VKE per la plazes da fé damat. “Canche l vën dat valor ai mëndri iel n sëni de sensibilità soziela y cualità de vita” sorissea Mussner.
I trëi chemuns de Gherdëina à n giapà deberieda la uneranza dala lia provinziela per la plazes da fé damat VKE. I chemuns de Sëlva, S.Cristina y Urtijëi ie n sada (14 merz) unic numinei “Chemuns che fej plajëi ai mëndri”. “Ti dé lerch ai mëndri uel di nuzé bën la lerch y dé cualità di vita” lauda l assessëur Mussner i trëi chemuns de Gherdëina. “Iust te nosc luesc ulache l ie zënza puecia lerch iel da udëi de bon uedl canche l vën dedicà lerch ai mëndri y ala families.” La uneranza d l VKE ie unida data per la truepa plazes da fé damat y la promenades da jì a spaz. L assessëur provinziel y regiunel nvieia i Chemuns a lauré y nvestì inant de chësc vieres ajache chësc cualificheia i chemuns sibe per la jënt da tlo che nce per i turisć che priejea dassënn cie che l vën pità per l tëmp liede y n cont de juesc per i mëdri.
as
