Cultura Socialis premieia nce i trëi Istituc Pedagogics
USP – Dé ejëmpl, meter sënies: cun chësc moto iel unì nvià via l cuncors “Cultura Socialis” per sustenì proiec soziei particuleres, per pité na rë soziela y per dé mpulsc a na politica soziela nueva. L liber “Miteinander, Insieme, Deboriada” di Istituc Pedagogics tla trëi rujenedes ie unì premià tla categuria Media.
Pra la premiazion dl cuncors stata n vënderdì passà a Lana à l assessëur Richard Theiner pudù uneré proiec te de plu categuries. Na giuria à valutà i 188 proiec che ie unic scric ite. Tla categuria Media iel unì premià cun l cuinto post la culaburazion di Istituc pedagogics tla trëi rujenedes tl dé ora l liber cun CD dal titul “Miteinander, Insieme, Deboriada”. De chësc proiet ulache à nce laurà pea la direzion dla scolines ladines, à la cumiscion priejà la maniera per purté la cultura dl autra doi grupes de rujeneda plu daujin ai mendri. La publicazion ie de gran valor per l bon cunviver dla trëi cultures de rujeneda tla Provinzia de Bulsan.
as
