Scoles de mujiga te dut Tirol
USP – L plann de nseniamënt, la valutazions y la uneranza per sunadëures jëuni ie stai argumënc prinzipei dl’ancunteda di respunsabli dla defrënta grupes dla Scoles de Mujiga de dut Tirol. L’ancunteda ie chëst ann unida tenida a Sterzing.
N iede al ann se anconta i respunsabli dla grupes spezifiches per la scoles de mujiga de dut Tirol per mëter ju i fins y se giamië nfurmazions.
Argumënt prinzipel ie stat l plann de nseniamënt y la valutazion di sculeies. N pont de descuscion ie nce stai i ejams tla scoles de mujiga. Per l Südtirol ie chësc n argumënt de gran atualità ajache de mei uniral per l prim iede fat ejams de teoria che unirà nce recunesciui dala Lia dla mujighes dl Südtirol per sëurandé la uneranzes per sunadëures jëuni. La vijions dl’ancunteda reverda nce la culaburazion per la furmazion di nsenianc y la pusciblteies de cumpanië nsenianc che ie stai ora dl lëur.
as
